Cannabis restaura sistema imune

CANABIS òf mariwana, ta un yerba holistiko, ku nativo nan ta usa den seremonia religioso, pa alabansa i gradesimentu di nos KREADOR.
CANABIS òf mariwana ta wòrdu usa komo remedi, i komo materia básiko pa produsí paña, i tambe komo un stimulante natural.
CANABIS òf mariwana, ta e mata mas bendishoná riba mundu, e tin kapasidat pa restourá nos sistema inmune, di moda ku nos por wòrdu sana, kompletamente for di vírusnan ku ta menasa nos bida. djeronimoblog

Nos mester realisá nos mes ku 150 aña pasa, nos nò tabata konosé e malesanan ku awe ta molestiá i limitá nos bida. Defisiensia di nos sistema inmune ta e kousa ku nos ta haña síntoma nan di malesa nan ku nos nò konosé i ku nos nò por komprondé. Nos ta haña strès, i keda pega riba un sirkulo visioso. Ora nos sistema inmune ta inflamá, ta pasombra nos ta sufri di malesanan di outoinmune.

Nos tin mas o ménos 150 aña, ta sembra simianan di malesa den nos kurpa, ku a korumpí nos sistema inmune. Si nos nò restourá nos sistema inmune, e malesanan ta bira króniko i nan ta kaba ku nos bida tardi òf trempan.

Dikon nos a seed simianan di malea den nos kurpa?

CANABIS ta kontené supstanshanan, manera CBD (cannabidiol) i THC (Tetrahydrocannabinol), ku ta duna nos sistema INMUNE, e kapasidat pa konstantemente kuida i mantené nos kurpa salu. CANABIS ta restourá i mantené e balansa den nos kurpa, hasta ora ku sirkunstansha di nos kurpa kambia.

E Cannabidiol tin efekto riba e núkleo di nos sélulanan kaminda proteina ta wòrdu produsí. Cannabidiol ta regla transishon di mas ku 1100 genes, ku ta traha e molekülnan di siñal, ku ta redusí inflamashon den nos sistema sentral di nervio i den henter nos sistema inmune.

Un benefishi di cannabidiol ta, ku e ta okashoná un avalancha di homeostasis den henter nos sistema di nervio i tambe den henter nos sistema inmune.

Na aña 1990, dokter Rafael Mechoulam, a deskubrí e sistema di endo-cannabinoid, na Hebrew University di Israel. Sistema di endo-cannabinoid ta e risibidónan bèrdè, ku ta risibidónan speshal pa CBD òf cannabidiol. Sistema di endo-cannabinoid ta un nètwèrk di sélulanan rònt nos kurpa ku tin risibidónan pa CBD.

Dr. Mechoulam a diskubrí tambe, ku nos kurpa ta traha su propio cannabinoids. Esaki ta yama Anandamide i 2AG. Esaki nan ta cannabinoids natural, ku nos kurpa ta produsí, pa nos por ta uní, ku e risibidónan di CBD. Nos kurpa ta kompletamente yena ku risibidónan di CBD.

Historia di CANABIS ta prueba di benefishinan i efekto fisiológiko di CANABIS riba kurpa humano. Ta hopi remarkabel ku algun aña pasa, zeta di CANABIS, a bira legal, netamente den 50 estado Merikano, miéntras Cannabis a wòrdu prohibí na Merka, ku e argumento ku uso di Canabis, ta okashoná asesinato i lokura.

Na aña 1937, Cannabis a wòrdu prohibí na Merka, ku e argumento ku uso di Canabis, ta okashoná asesinato i lokura.

CANABIS òf mariwana, a wòrdu prohibí, simplemente pa protehá e negoshi bionario di opio, ku ta den man di HULANDA.

Sientífikonan rònt mundu a studia e supstansha nan di Canabis, i a deskubrí ku ora separá THC for di CBD, por usa CBD manera un suplemento di nutrishon. THC (Tetrahydrocannabinol), ta un ingrediente di Canabis, ku tin efekto psikóaktivo, riba kurpa humano. CBD (cannabidiol), ta baha un poko e efekto psicóaktivo di THC, i ta protehá nos kurpa kontra adikshon. CBD ta yuda kombatí stress, problema pa drumi, diferente kehonan di doló i desanimashon.

Akuerdo internashonal di Opio di aña 1961 a stipulá ku CANABIS, ta un “droga”, i p’esei ta solamente médikonan tin outorisashon pa usa “droga” komo medisina i pa investigashon sientífiko.

Here’s more: Vaginóides!, O que ela faz?!?, Estudo analisa canabidiol no tratamento de síndrome pós-covid, A flor de cannabis, enxaqueca e sua dor na cabeça, CANABINÓIDES BLOQUEIAM A ENTRADA CELULAR DE SARS-COV-2 E VARIANTES EMERGENTES, PAI MOSTRA COMO PRODUZ ÓLEO DE MACONHA EM CASA